Umborð á Alduni TG 26

Umborð á Alduni TG 26

Trýst á myndina fyri at fáa myndina í fullari stødd!

Lagt út: 20. mar. 2012

Myndaevni: Umborð á skipi

Um myndina:

Mynd tikin umborð á Alduni TG 26.

Sluppin Aldan TG 26 varð bygd í Darthmouth í Stóra Bretlandi í 1878. Aldan var 81 BRT til støddar. Eigari av Alduni var Jaspur A. Hjelm á Løðhamri í Vági.

Aldan var fyrsta skip í Føroyum, sum fór av krígsávum. Hin 25. juli 1940 fór Aldan av Vági til Aberdeen við ísaðum bátafiski. Um ein kavbátur ella mina var teimum 6 monnunum at bana, fær ongin nakrantíð greiði á, men eftir at Aldan hvarv, var øllum greitt, at krígsvandin var ein hættisligur veruleiki.

Manningin sum fórst við Alduni vóru: Jens Mohr Augustinussen (skipari), Edvard Lamhauge (bestimaður), Sámal Johannus Bech (motorpassari), Petur Linjon Kjærbæk, Petur Juul Danielsen og Petur Bech, allir búsitandi í Vági.

Á myndini eru: Hans Jacob Hjelm (hjá Jaspuri), Jens Mohr Augustinussen og Leivur Hjelm.

Árstal:

Myndina hevur Bygdasavnið fingið frá Monrad Dalbúð.

 

1 Comment

  1. Poul Andreasen

    Mennninir eru: Hans Jacob Hjelm hjá Jaspuri, Jens Mohr og Leivur Hjelm

Hevur tú viðmerkingar til myndina, veitst tú nøvn á persónum, árstal ella annað, so er at skriva tað niðanfyri